13.06.2024
Ғўзага тушган кўсак қурти пахта ҳосилини камайтириб, сифатини пасайтиради. Кичик ёшдаги қуртлар ғўза баргининг этини ейди ва ёш шоналари билан озиқланади. Ўрта ёшдаги қуртлар шона ва гулларни, катта ёшдагилари эса тугунчалар ва кўсакларни ейди, зарарланган шона, гул ва тугунчалар қуриб тўкилади. Ҳар бир қурт ривожланиш даврида ғўзанинг 15-20 тагача шона, гул ва тугунчаларнни шикастлаши мумкин.
Агротехник тадбирлар. Ерни кузда чуқур шудгорлаш, ғўза қатор ораларига сифатли ишлов бериш, эрта баҳорда бегона ўтларга қарши курашиш, чилпишда ўсимликнинг ўсиш нуқтасини дала четига чиқариб кўмиб ташлаш, ғўзани ғовлашига йўл қўймаслик.
Биологик усул . Ҳар бир авлодига қарши ҳар икки гектар экин майдонига 1 донадан феромон тутқич ўрнатиб, унинг ёрдамида капалаклар учиш муддатини аниқлаб, 1 кечада ҳар бир тутқичга ўртача 2-3 та капалак туша бошласа, 3 кундан сўнг ҳар гектар майдонга 1 грамм ҳисобидан 100 та нуқтага 5 кун оралатиб 3 марта тухумхўр трихограмма чиқариш; ўрта ва катта ёшдаги қуртларига қарши 1:20, 1:10, 1:5 нисбатда 5 кун оралатиб 3 марта бракон чиқариш.
Кимёвий усул. Ҳар 100 туп ўсимликда 8-10 та ёш қурт ва тухум топилса аваунт, 15% ли сус.к – 0,4-0,45 л/га; дельтафос, 36% эм.к – 1,5 л/га, политрин-К, 31,5% эм.к – 1,0л/га; люметрин, 12% эм.к – 1,5 л/га ҳисобида пуркаш. Ишчи суюқлиги сарфи гектарига 300 литр.
Навбахор туман Ўсимликлар карантини ва ҳимояси испекторлари
Х.Тураев, У.Ризақулов, Ф.Очилов, У.Хайитов, К.Кулдошов