Келгуси беш йилда Ўзбекистон қишлоқ хўжалигида қандай янгиликлар кутилмоқда?

Келгуси беш йилда Ўзбекистон қишлоқ хўжалигида қандай янгиликлар кутилмоқда?25 январь куни "2017-2021 йилларда Ўзбекистон Республикасини ривожлантиришнинг бешта устувор йўналишлари бўйича Ҳаракатлар стратегияси" лойиҳасининг навбатдаги жамоатчилик муҳокамаси бўлиб ўтди. 3-кун мавзуси - Иқтисодиётни ривожлантириш ва либераллаштиришнинг устувор йўналишлари бўлди. 

Бугунги тадбирда банк тизими, хусусий мулк ва тадбиркорликни ривожлантириш билан бир қаторда қишлоқ хўжалагининг тараққий этиши масаласига алоҳида тўхталиб ўтилди. Ўзбекистон Республикаси Қишлоқ ва сув хўжалиги вазир ўринбосари Шуҳрат Тешаевнинг сўзларига кўра, саккиз йўналишда ўзгаришлар бўлиши кутилмоқда. Жумладан, пахта ва ғалла ўрнига картошка, сабзавотлар экилиши қайд этилди, интенсив боғлар барпо этилиши таъкидланди. 

Шунингдек қишлоқ хўжалик экинларининг янги навларини яратиш, кўп тармоқли фермер хўжаликларини рағбатлантириш, маҳсулотларни сақлаш, уларни қайта ишлаш, қадоқлаш, экспорт қилиш, янги технологиялар жорий этиш, инфратузилмаларни кенгайтириш, глобал иқлим ўзгаришларининг қишлоқ хўжалигига салбий таъсирларини юмшатиш Ҳаракатлар стратегиясига киритилганлиги қайд этилди. 

Бундан ташқари, фермер хўжаликларига солиқлар ва имтиёзлар масаласида бир қатор имтиёзлар яратилаётганига эътибор қаратилди.

Агарда Сиз мақолада хатони учратган бўлсангиз, унда хато матнни белгилаб, CTRL + ENTER тугмасини босинг ва сайт маъмурига хабарнома жўнатинг.