Маҳаллий бюджет маблағлари сарфланишида фукароларнинг фаол иштирокини таьминлаш

<!-- [if gte vml 1]> <!-- [if !vml] --> <!-- [endif] --> XALQ DEPUTATLARI NAVBAHOR TUMAN KENGASHINING QARORI

 

№ ___________________                                                   «______»   ____________  2022 yil                                  

Маҳаллий бюджет маблағлари сарфланишида фукароларнинг фаол иштирокини таьминлаш мақсадида

 

Ўзбекистон Республикаси Президентининг 2018 йил 22 августдаги "Бюджет маълумотларининг очиқлигини ва бюджет жараёнида фуқароларнинг фаол иштирокини таъминлаш чора-тадбирлари тўғрисида”ги ПҚ-3917-сонли ҳамда 2021 йил 13-апрелдаги "Бюджет жараёнида фуқароларнинг фаол иштирокини таъминлаш бўйича қўшимча чора-тадбирлар тўғрисида”ги ПҚ-5072-сонли Қарорлари, Ўзбекистон Республикаси Олий Мажлиси Сенати Кенгашининг 2021 йил 22 апрелдаги КҚ-213-ИВсонли Қарори билан тасдиқланган намунавий Низомнинг 30,31-бандларига асосан халқ депутатлари туман Кенгашининг 2021-йил 11 майда "Бюджет жараёнида фуқароларнинг фаол иштирокини таъминлаш мақсадида Навбаҳор туман маҳаллий бюджетида 2021 йилда шаклланган қўшимча манбаларни "Фуқаролар ташаббуси жамғармаси”га йўналтириш тўғрисидаги”ги 29/230-сонли қарори ижросини таъминлаш мақсадида халқ депутатлари туман Кенгаши

 

ҚАРОР ҚИЛАДИ

 

1. Ўзбекистон Республикаси Президентининг 2021 йил 13 апрелдаги "Бюджет жараёнида фуқароларнинг фаол иштирокини таъминлаш бўйича қўшимча                      чора-тадбирлар тўғрисида”ги ПҚ-5072-сонли қарорига асосан бюджет харажатларининг 5 фоизини жамоатчилик фикри асосида белгиланган тадбирларни молиялаштиришга йўналтириш тартиби босқичма-босқич жорий этилиши белгиланганлиги ва бу бўйича қабул қилинган Ўзбекистон Республикаси Олий Мажлиси Сенати Кенгашининг 2021 йил 22 апрелдаги КҚ-213-IV-сонли қарори маълумот учун қабул қилинсин.

2. Туман бюджет харажатларининг 5 фоизини жамоатчилик фикри асосида белгиланган тадбирларни молиялаштиришга режалаштирилган маблағлар  ҳисобидан жамоатчилик фикри асосида шаклланадиган тадбирларни молиялаштириш мақсадида туман ҳокимлиги қошида очилган "Фуқаролар ташаббуси жамғармаси”га 2022 йил 1-босқич учун 3006.2 млн. сўм (2.5%) маблағлар  йўналтирилсин.

3. Туман бюджетининг 2021 йил йил бошидаги эркин қолдиқ маблағлари ҳисобига 1508.5 млн. сўм қўшимча маблағлар шаклланганлиги маълумот учун қабул қилинсин.

4. Туман бюджетининг шаклланган қўшимча маблағлари ҳисобидан                452.6 млн. сўм (30%) маблағлар жамоатчилик фикри асосида шаклланадиган тадбирларни молиялаштириш мақсадида туман ҳокимлиги қошида очилган "Фуқаролар ташаббуси жамғармаси”га йўналтирилсин.

4. Навбаҳор туманида  2021 йилда "Фуқаролар ташаббуси жамғармаси ҳисобидан ажратилган маблағлардан иқтисод қилинган маблағлар 1-иловага асосан жамғармага қайта тиклансин.

           5. Туман ҳокимлиги молия бўлими (М.Жумабоев) ҳамда туман ғазначилик бўлинмаси (Б.Мусаев)лар ташаббусли бюджетлаштириш натижалари бўйича маълумотларни туман ҳокимлиги ахборот хизмати (Э.Бобоназаров) билан биргаликда келтирилган иловаларга мувофиқ шаклларда "Очиқ бюджет” ахборот портали ҳамда туманнинг расмий веб-сайтларига жойлаштириш ва ҳар чорак якунларига кўра, кейинги чорак биринчи ойининг 25 санасига қадар жойлаштириб бориш вазифалари юклатилсин.

           6. Мазкур қарор бажарилишини назорат қилиш халқ депутатлари туман Кенгашининг Маҳаллий бюджет, иқтисодий ислоҳотларни амалга ошириш, инвестициялар ва тадбиркорликни ривожлантириш масалалари бўйича доимий комиссияси (З.Қудратов), ижросини таъминлаш туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари (Л.Хайруллаев) зиммасига юклатилсин.

 

 

Кенгаш раиси: 

Агарда Сиз мақолада хатони учратган бўлсангиз, унда хато матнни белгилаб, CTRL + ENTER тугмасини босинг ва сайт маъмурига хабарнома жўнатинг.