НАВОИЙ ВИЛОЯТИ ҲОКИМИНИНГ ҲУДУДЛАРГА ТАШРИФИ ДАВОМ ЭТМОҚДА.
БУГУНГИ МАНЗИЛ – НАВБАҲОР ТУМАНИ
Бугун, 13 декабрь куни Навоий вилояти ҳокими Нормат Турсунов Навбаҳор туманида бўлиб, ҳудудда амалга оширилаётган ишлар билан яқиндан танишди.
Вилоят раҳбари дастлаб тумандаги "Кескантерак” маҳалласида истиқомат қилаётган фуқаролар билан учрашиб, улар томонидан ички йўлларни шағаллаштириш ва бошқа турдаги маиший масалалар бўйича қилинган мурожаатларни тез фурсатларда ижобий ҳал этиш борасида масъулларга тегишли кўрсатмалар берди.
Шундан сўнг ҳудуддаги 2-сонли "Гулшан" мактабгача таълим муассасасида ҳам бўлиб, яратилган шароитларни ўрганди. Ташриф давомида 8-сонли оилавий поликлиника ва маҳалла бинолари, шунингдек "Гулистон" маҳалласида ҳам бўлиб, ҳудуддаги обеъктларни ҳам кўздан кечирди.
