Мамлакатимиз раҳбари туризмни ривожлантириш масаласига жиддий эътибор қаратмоқда. Шу боис ташкилот ва муассаса жамоалари, маҳалла ва тенгдошлар, оила аъзолари уюшган ҳолда республикамизнинг тарихий жойларига уюштираётган саёҳатлар оммавий тус олмоқда.
Навбаҳорликлар ҳам туман ҳокими Л.Облақулов ташаббуслари билан Самарқанд шаҳрида саёҳатда бўлди. Асори атиқалар билан танишди. Диққатга сазавор тарихий обидалар саёҳатчиларда катта таассурот қолдирди. Айниқса, ҳамиша кўхна ва навқирон Самарқандда мустақиллик шарофати, қолаверса, туризмга аҳамият ошгани туфайли амалга оширилаётган кенг кўламли ишлардан беҳад қувондилар.