Навбаҳор тумани секторлар ўртасида спортнинг мини футбол тури бўйича ғолиб бўлган жамоалар Ўзбекистон Республикаси Давлат хавфсизлиги хизмати раиси кубогининг туман босқичида беллашдилар.
Ушбу спорт мусобақасида туманлараро Давлат хавфсизлиги хизмати бошлиғи, Навбаҳор туман ҳокими ўринбосари, туман спортни ривожлантириш бўлими, туман БЎСМ, Ёшлар ишлари агентлиги Навбаҳор туман бўлими ҳамда уюшмаган ёшлар иштирок этди.
Қизғин баҳс-мунозараларга бой ўтган мусобақада Янги йўл маҳалласи ёшларидан тузилган жамоа барча рақиблари устидан ғалаба қозониб вилоят босқичида иштирок этиш учун йўлланмани қўлга киритди.
Мусобақа якунида иштирокчилар ташкилотчилар томонидан диплом ва қимматбаҳо совғалар билан тақдирланди.
