Мустақиллик байрами Навбаҳор туманидаги "Оқ олтин" маҳалласи аҳолиси учун қўшалоқ байрамга айланди. Боиси, ҳудудда "Пахлавон Маҳмуд" номли 25 ўринли оилавий мактабгача таълим ташкилоти болажонларга ўз эшикларини очди. Унинг очилиш маросимида туман ҳокими ўринбосари К.Аллаев, мактабгача таълим бўлими раҳбарияти, маҳалла фаоллари ва кенг жамоатчилик вакиллари иштирок этишди. Тадбирда тарбияланувчилар томонидан она Ватанни, истиқлолни мадҳ этувчи шеърлар ўқилди, қўшиқлар ижро этилди.