Ватанимиз мустақиллигининг 30 йиллик байрами муносабати билан ободонлаштириш ва тозалик ойлиги доирасида ўтказилаётган умумхалқ хайрия ҳашари Навбаҳор туманидаги барча корхона, ташкилот, муассасалар ва маҳаллаларда юксак савияда ташкил этилмоқда. Ёшу кекса барча ўзлари яшаётган, меҳнат қилаётган, таълим олаётган ҳудудларни, ариқ ва кўчалар, хиёбонлар, қабристон ва зиёратгоҳларни тозалаш, ободонлаштириш ишларида фаол иштирок этмоқда.
Энг улуғ, энг азиз байрамимиз арафасида ташкил этилган ушбу анъанавий умумхалқ тадбири барча ҳудудларнинг тоза ва саришталигини таъминлаш, халқимизнинг кексалар ва ногиронларга меҳр-мурувват кўрсатишдек азалий қадриятини яна бир бор улуғлашда ўз аксини топмоқда.
