Manzilimiz
Yopish
  • Manzil: O'zbekiston Respublikasi, Navoiy viloyati, Navbahor tumani, Boburshoh ko'chasi, 5-uy
  • Pochta indeksi: 210300
  • Ish vaqti: 09:00 - 18:00
  • Fuqarolar arizalarini qabul qilish bo'limining ish vaqti: 09:00 - 18:00
  • Tushlik vaqti: 13:00 - 14:00
  • Aloqa raqami: (+99879) 562-16-04, faks: (0-436) 562-16-04
  • Ishonch telefoni: (0-436) 562-11-84
  • Saytni yuritish bo'yicha mas'ul xodim: Raximov Oxun Mansurovich
  • E-mail: navbahor@nv.uz

Очиқ мулоқот ўтказилди

Tuman haqida / Yangiliklar

Навбаҳор туманлараро иқтисодий суди раиси Ш.Хамидов ва Фуқаролик ишлари бўйича Навбаҳор туманлараро суди раиси А.Ҳамроев ҳамда Навбаҳор туман Адлия бўлими вакиллари томонидан 2021 йил 17 сентябрда Навбаҳор тумани "Сарой” маҳалласидаги 314 сайлов учаскасида маҳалла фаоллари ҳамда нуронийлари билан очиқ мулоқот ўтказилди. Учрашувда, Ўзбекистон Республикасининг Сайлов кодекси тўғрисида ҳамда Ўзбекистон Республикаси Президентининг 2020 йил 7 декабрдаги "Судьяларни чинакам мустақиллигини таъминлаш ҳамда суд тизимида коррупцияни олдини олиш самарадорлигини ошириш чора-тадбирлари тўғрисида”ги ПФ-6127-сонли Фармонининг мазмун-моҳияти тўғрисида ҳамда Ўзбекистон Республикасининг 2017 йил 3 январдаги "Коррупцияга қарши курашиш тўғрисида”ги Қонунининг мазмун-моҳияти тўғрисида  тушунтиришлар берилди. Хусусан, Ўзбекистон Республикасининг 2017 йил 3 январдаги "Коррупцияга қарши курашиш тўғрисида”ги Қонунининг мақсади, ундаги асосий тушунчалар, яъни коррупция — шахснинг ўз мансаб ёки хизмат мавқеидан шахсий манфаатларини ёхуд ўзга шахсларнинг манфаатларини кўзлаб моддий ёки номоддий наф олиш мақсадида қонунга хилоф равишда фойдаланиши, худди шунингдек бундай нафни қонунга хилоф равишда тақдим этиш, коррупцияга оид ҳуқуқбузарлик — коррупция аломатларига эга бўлган, содир этилганлиги учун қонун ҳужжатларида жавобгарлик назарда тутилган қилмиш, манфаатлар тўқнашуви — шахсий (бевосита ёки билвосита) манфаатдорлик шахснинг мансаб ёки хизмат мажбуриятларини лозим даражада бажаришига таъсир кўрсатаётган ёхуд таъсир кўрсатиши мумкин бўлган ҳамда шахсий манфаатдорлик билан фуқароларнинг, ташкилотларнинг, жамиятнинг ёки давлатнинг ҳуқуқлари ва қонуний манфаатлари ўртасида қарама-қаршилик юзага келаётган ёки юзага келиши мумкин бўлган вазият эканлиги ҳақида, коррупцияга қарши курашишнинг асосий принциплари қонунийлик, фуқаролар ҳуқуқлари, эркинликлари ва қонуний манфаатларининг устуворлиги, очиқлик ва шаффофлик, тизимлилик, давлат ва фуқаролик жамиятининг ҳамкорлиги, коррупциянинг олдини олишга доир чора-тадбирлар устуворлиги, жавобгарликнинг муқаррарлиги тўғрисида, коррупцияга қарши курашиш соҳасидаги давлат сиёсатининг асосий йўналишлари аҳолининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш, давлат ва жамият ҳаётининг барча соҳаларида коррупциянинг олдини олишга доир чора-тадбирларни амалга ошириш, коррупцияга оид ҳуқуқбузарликларни ўз вақтида аниқлаш, уларга чек қўйиш, уларнинг оқибатларини, уларга имкон берувчи сабаблар ва шарт-шароитларни бартараф этиш, коррупцияга оид ҳуқуқбузарликларни содир этганлик учун жавобгарликнинг муқаррарлиги принципини таъминлаш эканлиги тўғрисида алоҳида тўхталиб ўтилди. Шунингдек, учрашувда иштирок этганларга ўзларини қизиқтирган саволлари ва муаммоларига тўлиқ ва батафсил тушунтиришлар берилди ҳамда уларнинг бу тўғрисида фикр-мулоҳазалари эшитилди.
Навбаҳор туманлараро иқтисодий суди судья ёрдамчиси Ф.Мирзаев

  

Ҳар бир мурожаат эътиборда

Tuman haqida / Yangiliklar

Навбаҳор туман адлия бўлими томонидан "Ҳар бир мурожаат эътиборда" ҳуқуқий акцияси доирасида тумандаги хуқуқни муҳофаза қилувчи органлар ҳамда туман ташкилотлари билан биргаликда "Дул-дул”, "Армижон”, "Вомитан”, "Хашман”, "Карвон” ва "Совунгузар” маҳалларида яшовчи фуқаролар билан сайёр қабуллар ташкил қилинди ва сайёр қабулда фуқароларнинг 30 дан ортиқ мурожаатлари бўйича хуқуқий тушунтиришлар берилиб, мурожаатлар бўлим иш юритувга қабул қилинди. Бундан ташқари, туман адлия бўлими ва тегишли ташкилотлар иштирокида уйма-уй юрилиб, фуқароларнинг мурожаатлари ўрганиб чиқилди ҳамда тарғибот тадбирлари ҳам алмага оширилди.



Аҳолини рўйхатга олишда шахсга доир маълумотларни йиғиш тартиби

Tuman haqida / Yangiliklar

Маълумки, рўйхатга олиш 2023 йил 1-25 ноябрь кунлари ўтказилади ва рўйхатга олишнинг бошланиши аниқ пайти 2023 йил 1 ноябрь соат 00.00 дақиқа этиб белгиланган. Рўйхатга олишни ўтказиш муддати – 25 кун.  Респондентларнинг шахсга доир маълумотларини йиғишда рўйхатга олиш санасидан кейин содир бўлган демографик ҳолатлар ҳисобга олинмайди. 2023 йил 1 ноябрдан кейин туғилган болалар учун рўйхатга олиш варағи шакллари ва бошқа рўйхатга олиш ҳужжатлари тўлдирилмайди, лекин ушбу санадан кейин вафот этган шахслар учун тўлдирилади. Бунда вафот этган шахс тўғрисидаги маълумотлар унинг вояга етган, муомала лаёқатига эга оила аъзолари ёки маҳалла идорасидаги мавжуд маълумотлар асосида тўлдирилади.  Шахсга доир маълумотларни йиғиш қуйидаги усулларда амалга оширилади: -  респондентлар яшайдиган (вақтинча бўлиб турган) турар ва нотурар жойларга, биноларга ташриф буюрган ҳолда уйма-уй юриб, сўров ўтказиш орқали амалга оширилади. Рўйхатга олиш варағи шакллари рўйхатга олувчи ходимлар томонидан респондентларнинг сўзлари асосида тўлдирилади;  -  аҳолини рўйхатга олишни ўтказиш даврида яшаш (турган) жойида ҳозир бўлмаган ёки вояга етмаган шахслар (респондентлар) тўғрисидаги шахсга доир маълумотлар мазкур уй хўжалигининг вояга етган аъзолари томонидан маълум қилинади. Ўзига нисбатан васийлик ёки ҳомийлик белгиланган шахслар тўғрисидаги шахсга доир маълумотлар уларнинг васийлари ёхуд ҳомийлари томонидан маълум қилинади;  -  яшаб турган хонадонида (жойида) рўйхатдан ўтишни истамаган респондентлар учун рўйхатга олиш сўровномаларини тўлдириш маҳаллий ҳокимиятлар томонидан ажратилган бино ёки хоналарда жойлашган стационар участкаларда амалга оширилади;  -  респондент рўйхатга олиш варағидаги саволларга жавоб беришни рад этган тақдирда рўйхатга олиш варағи фуқароларнинг ўзини ўзи бошқариш органларидаги ёки маҳаллий давлат ҳокимияти органларидаги мавжуд маълумотлар асосида тўлдирилади;  -  гапириши ва эшитишида нуқсони бўлган фуқароларнинг шахсга доир маълумотларини йиғиш тегишли ҳудуд бўйича ногиронлик жамиятларининг ходимлари ёки ушбу шахслар билан муомала қилиш имконияти мавжуд бўлган шахслар кўмагида амалга оширилади;  -  шахсга доир маълумотларни йиғиш ахборот хавфсизлигини таъминлаш талабларини ҳисобга олган ҳолда ахборот-коммуникация технологияларидан фойдаланиш орқали ҳам амалга оширилади.
Туман статистика бўлими                                                                                                                                                       

Гендер тенглик масалаларига бағишланган давра суҳбати ташкил этилди

Tuman haqida / Yangiliklar

 ЎЗБЕКИСТОН РЕСПУБЛИКАСИНИНГ ҚОНУНИ ХОТИН-ҚИЗЛАР ВА ЭРКАКЛАР УЧУН ТЕНГ ҲУҚУҚ ҲАМДА ИМКОНИЯТЛАР КАФОЛАТЛАРИ ТЎҒРИСИДА ҚОНУН ижроси юзасидан Навбаҳор туманида хотин-қизларни турмушга тайёрлаш, фарзанд тарбиясига оид кўникмаларни мукаммал шакллантириш, турли тазйиқ, зўравонликдан ҳимоя қилиш, оилаларда суицид ва ажримларнинг олдини олиш, хотин-қизларнинг маънавиятини юксалтириш, бандлигини таъминлаш, уларни касб-ҳунарга ўргатиш, тадбиркорликка жалб қилиш каби масалалар кўриб чиқилди.
Шунингдек, тазйиқ ва зўравонликдан жабр кўрган, ўз жонига суиқасд қилган ёки ўз жонига қасд қилишга мойиллиги бўлган хотин-қизлар билан ишлаш бўйича зарур чора-тадбирлар белгиланиб олинди.
 Йиғилишда хотин-қизларнинг имкониятларини кенгайтириш, уларнинг иқтисодий фаровонлигини ошириш ва гендер тенгликни таъминлаш соҳасидаги вазифаларни биргаликда ҳал этишга келишиб олдилар.                                                                                                                                    Гендер тушунчаси фақат аёллар манфаатларини ифодаламайди. Ҳар икки жинс вакилларининг ўз орзу ва мақсадлари сари дадил одимлаши, ҳаёт сифатини ошириш учун бир хил имкон бериш кераклигини илгари суради, холос. Айнан ривожланган жамиятнинг талабларидан бири бу эркак ва аёл ҳуқуқлари тенглигининг таъминланишидадир. Бу эса ўз навбатида ҳар бир мамлакатда сиёсий ва иқтисодий ўсишга эришишда катта ёрдам бериши мутахассислар томонидан таъкидлаб ўтилди. 
Гендер тенглик жамият ривожида муҳим бўлган ижтимоий муносабатларда долзарб аҳамиятга эга эканлиги бугунги кунда янада яққол намоён бўлмоқда. Бугун оилада, жамиятда, айниқса, хотин-қизларнинг ижтимоий ҳаётдаги фаоллигини оширишга алоҳида эътибор қаратилаётгани натижасида ижтимоий муносабатларда ҳам, қонунчиликда ҳам катта ўзгаришлар амалга оширилаётгани борасида сўз борди.   





     

BO'LIMLAR