Manzilimiz
Yopish
  • Manzil: O'zbekiston Respublikasi, Navoiy viloyati, Navbahor tumani, Boburshoh ko'chasi, 5-uy
  • Pochta indeksi: 210300
  • Ish vaqti: 09:00 - 18:00
  • Fuqarolar arizalarini qabul qilish bo'limining ish vaqti: 09:00 - 18:00
  • Tushlik vaqti: 13:00 - 14:00
  • Aloqa raqami: (+99879) 562-16-04, faks: (0-436) 562-16-04
  • Ishonch telefoni: (0-436) 562-11-84
  • Saytni yuritish bo'yicha mas'ul xodim: Raximov Oxun Mansurovich
  • E-mail: navbahor@nv.uz

НОРМАТ ТУРСУНОВ: ЮҚОРИ БЕШРАБОТ, ШУБҲАСИЗ, БАРЧА ҲАВАС ҚИЛАДИГАН ОБОД МАНЗИЛГА АЙЛАНАДИ

Tuman haqida / Yangiliklar

 Навоий вилояти ҳокими вазифасини бажарувчи Нормат Турсунов Навбаҳор туманидаги Юқори Бешработ маҳалласига ташриф буюриб, ушбу ҳудудда "Обод қишлоқ" дастури доирасида белгиланган режалар ва амалга оширилаётган ишларнинг аҳволини ўрганди. Н. Турсуновга вилоят ва туман секторлари ҳамда тегишли бошқарма ва муассасалар раҳбарлари ҳамроҳлик қилдилар.  Қайд этиш жоизки, ушбу маҳаллада дастур доирасида ҳудуддаги 34-умумтаълим мактаби биносининг реконструкция ишлари, маҳалланинг маъмурий биноси қурилиши, 17 километр узунликдаги ички хўжалик йўллари таъмирланиши ҳамда ичимлик суви тармоқлари тортилиши кўзда тутилган бўлиб, ҳозирда бу ишлар қизғин давом этмоқда.
 Шунингдек, Юқори Бешработда 7 та трансформатор янгиланиб, 15 та эҳтиёжманд оила учун газ баллонлари бепул тарқатилади. 33 дона тунги ёритиш чироқлари ва 2 та замонавий чиқинди контейнерлари ўрнатилади. Аҳолига янада қулайлик яратиш мақсадида 1 та йирик савдо мажмуаси ҳамда 3 та маиший хизмат кўрсатиш шохобчаси ҳам қурилади. 
  - Ҳар бир фуқаро ўзи истиқомат қиладиган хонадони, маҳалласи ободлиги, саранжом-саришталиги, тинчлиги ва кўкаламзорлаштирилганлиги учун дахлдор эканини чуқур ҳис қилиб яшаши, меҳнат қилиши керак, - деди Н.Турсунов ҳудуд аҳолиси билан учрашув чоғида. – Шундагина Президентимиз раҳбарлигида мамлакатимизда амалга оширилаётган бунёдкорлик лойиҳалари аҳоли турмушини фаровон қилишга хизмат қилади. Ушбу масъулиятни барчамиз биргаликда зиммамизга олсак, Юқори Бешработ, шубҳасиз, барча ҳавас қиладиган обод манзилга айланади.
 Учрашувда ҳудуд аҳолисининг мурожаатлари, таклиф ва мулоҳазалари тингланди. Муаммоларни ўрганар экан, вилоят раҳбари маҳалла ҳудудларида аҳолига хизмат кўрсатадиган тузилмаларнинг фаолияти доимий равишда йўлга қўйилмаганлиги оқибатида аҳоли кундалик ижтимоий-маиший масалалар билан ҳам маҳаллий ҳокимлик ва давлат органларига мурожаат қилишга мажбур бўлаётганини танқид қилди.
 Учрашув якунида маҳалла аҳлининг кўплаб норозилигига сабаб бўлаётган чиқинди полигонидаги ҳолатни ўрганди ҳамда камчиликларни зудлик билан бартараф этиш, ҳудудда санитария ҳолатини яхшилаш бўйича вилоят ва туман масъулларига қатъий кўрсатмалар берди.
 Вилоят сектор раҳбарларининг маҳаллаларда аҳоли билан учрашувлари давом этади.


KONSTITUТSIYAVIY QONUN LOYIHASI MUHOKAMA QILINDI

Tuman haqida / Yangiliklar

Navbahor tuman hokimligi majlislar zalida "Oʻzbekiston Respublikasining Konstitutsiyasiga oʻzgartish va qoʻshimchalar kiritish toʻgʻrisida”gi Oʻzbekiston Respublikasi Konstitutsiyaviy qonuni loyihasi muhokamasiga bagʻishlangan yigʻilish boʻlib oʻtdi.
Tadbirda Navbahor tuman hokimi A.O`roqov, Oliy Majlis Qonunchilik palatasi deputatlari Kozim Tojiyev va O`ktam Islamovlar konstitutsiyaviy islohotlarning mazmun-mohiyati, islohotlardan koʻzlangan maqsad xususida ishtirokchilar huzurida nutq soʻzladi. Shuningdek tuman Kengashi deputatlari, korxona tashkilot, muassasa rahbarlari va MFY faollari ishtirok etishdi
Yig`ilishda soʻzga chiqqanlar konstitutsiyaviy tuzatishlar, avvalambor, jamiyatning turli ijtimoiy qatlamlariga mansub boʻlgan fuqarolarning shaxsiy, ijtimoiy, iqtisodiy, siyosiy, madaniy va ekologik huquqlari hamda manfaatlarini taʼminlashga, himoya qilishga qaratilgan toʻgʻridan-toʻgʻri ishlaydigan normalarga aylanishini taʼkidladilar  



Мулк ижараси билан боғлиқ ишларнинг ўзига хос хусусиятлари

Tuman haqida / Yangiliklar

Ҳозирги бозор муносабатлари шароитида мулк ижараси билан боғлиқ муносабатлар тобора ривожланиб, унинг кўлами янада кенгайиб бормоқда. Эндиликда ижара, ижрачи ва ижарага берувчи деган сўзлар ва тушунчалар жамиятда кенг қўлланилмоқда, чунки ижара ҳаётнинг ҳамма соҳаларига чуқур кириб бормоқда.

Мамлакатимизда ижара муносабатлари Ўзбекистон Республикаси Фуқаролик кодекси, Ўзбекистон Республикаси Ер кодекси, Ўзбекистон Республикасининг "Ижара тўғрисида”ги қонуни шунингдек, бошқа қонун ва қонуности ҳужжатлари билан тартибга солинади.  

Ижара бу мулк эгасининг ишлаб чиқариш воситалари ва бошқа буюмларини муайян тўловлар эвазига вақтинча фойдаланиш учун бошқа бировга ўзаро келишувга мувофиқ топширишидир. Мулк эгаси (ижарага берувчи) ўз мулкини бошқа бировга (ижарачига) вақтинча эгалик қилиш ёки фойдаланиш учун беради.

Ўзбекистон Республикаси Фуқаролик кодексининг 535-моддасига асосан, мулк ижараси шартномаси бўйича ижарага берувчи ижарага олувчига ҳақ эвазига мол-мулкни вақтинча эгалик қилиш ва фойдаланиш ёки фойдаланиш учун топшириш мажбуриятини олади.

Ижара муносабатларида ижарага берувчи ижарага олинган мулкларнинг мулкдори бўлиб қолаверади. Ижарачи эса шартномада кўрсатилган муддат давомида мулкдорнинг баъзи ҳуқуқларини олади ва бунинг учун ижара ҳақини тўлайди. Шу билан бирга, ижарачи ижара фаолияти давомида ишлаб чиқариш воситларининг вақтинча эгаси, олинган маҳсулот ва даромадларнинг мустақил эгаси ҳисобланади яъни, ижарага олувчи ижарага олинган мол-мулкдан фойдаланиш натижасида оладиган маҳсулот, мева ва бошқа даромадлар унинг мулки ҳисобланади.

Мулк ижараси шартномасининг қуйидаги ҳуқуқий белгилари мавжуд биринчидан, мулк ижараси шартномаси тузилиш пайти ва мазмунига қараб консесуал характерни ифода этади. Чунки шартнома тарафлар ўртасида келишувга эришилган ва қонун талаб қилган шаклда расмийлаштирилган пайтдан бошлаб тузилган ҳисобланади, иккинчидан, мулк ижараси шартномаси ҳамма вақт ҳақ эвазига тузилади, учинчидан мулк ижараси шартномаси тарафлар ўртасида ҳуқуқ ва мажбуриятларнинг ўзаро тақсимланишига қараб, икки томонлама шартномадир. Бунда ижарага берувчида ҳам ижарага олувчида ҳам ҳуқуқ ва мажбуриятлар мавжуд бўлади. Мулк ижараси шартномасида мулк ҳуқуқининг мулкни эгаллаш ва фойдаланиш ёки фақат мулкдан фойдаланиш элементларигина ижарага берувчидан ижарага олувчига ўтади. Мулкни тасарруф этиш ҳуқуқи ҳар доим мулкдор қўлида сақланиб қолади.

Мулк ижарасининг объекти, яъни предмети шартноманинг муҳим шартларидан бири ҳисобланади. Ер участкалари, ер ости бойликлари жойлашган участкалар ва бошқа алоҳида табиий объектлар, корхоналар ва бошқа мулкий комплекслар, бинолар, иншоотлар, ускуналар, транспорт воситалари ва фойдаланиш жараёнида ўзининг табиий хусусиятларини йўқотмайдиган бошқа ашёлар (истеъмол қилинмайдиган ашёлар) мулк ижарасига берилиши мумкин.

Қонунда мулк ижараси шартномасининг шаклига алоҳида аҳамият берилган. Агар мулк ижараси шартномаси бир йилдан ортиқ муддатга тузилиши мўлжалланган бўлса, тарафлардан биронтаси юридик шахс бўлган ҳолларда эса, муддатидан қатъи назар, ёзма шаклда тузилиши шарт. Кўчмас мулк ижараси шартномаси давлат рўйхатидан ўтказилиши лозим.

Мулк ижараси шартномаси тарафлар келишуви билан белгиланадиган муайян муддатга тузилади. Агар мулк ижарасининг муддати шартномада белгиланмаган бўлса, шартнома номуайян муддатга тузилган ҳисобланади. Бунда тарафлардан ҳар бири бошқа тарафни бир ой олдин, кўчмас мулк ижарасида эса уч ой олдин ёзма равишда огоҳлантириб, истаган пайтда шартномадан воз кечиши мумкин.

Ижара муносабатларида тарафларнинг жавобгарлиги қонун ёки шартнома билан белгиланади. Ўзбекистон Республикаси "Ижара тўғрисида”ги қонунининг 32-моддасига асосан, ижара муносабатлари субъектлари шартнома тузиш тартиби ва шартларини бузишда, шартнома мажбуриятларини бажармасликда, шартномани бир томонлама ўзгартиришда ёки бекор қилишда, шартномани ўзгартириш ва тўхтатиш тартиби ҳамда шартларини бузишда айбдор бўлган юридик ва жисмоний шахслар, давлат идораларининг мансабдор шахслари қонунчиликда белгиланган жавобгарликка тортиладилар.

Ўзбекистон Республикаси Фуқаролик кодекси 541-моддасининг
3-4-қисмларида ижарага олувчига ижара мол-мулкини тўлиқ ва ўз вақтида топширмаганлик учун ижарага берувчининг жавобгарлиги белгиланган. Унга кўра,

-агарда шартномада бошқача тартиб назарда тутилган бўлмаса, мол-мулк барча мансуб ашёлари ва унга алоқадор ҳужжатлар (техник паспорт, сифат сертификати ва ҳоказолар) билан бирга ижарага топширилади. Агарда бундай мансуб ашёлар ва ҳужжатлар топширилган бўлмаса ва уларсиз ижарага олувчи мол-мулкдан унинг ўз вазифаси бўйича фойдалана олмаса ёхуд шартнома тузиш пайтида мўлжаллашга ҳақли бўлган анча нарсасидан маҳрум бўлса, у ижарага берувчидан бундай мансуб ашёлар ва ҳужжатларни топширишни ёхуд шартномани бекор қилишни, шунингдек зарарни қоплашни талаб қилишга ҳақли;

- агар ижарага берувчи ижарага олувчига ижарага берилган мол-мулкни шартномада кўрсатилган муддатда, башарти шартномада бундай муддат кўрсатилган бўлмаса, оқилона муддатда топширмаган бўлса, ижарага олувчи ушбу Кодекснинг 331-моддасига мувофиқ бу мол-мулкни ундан талаб қилиб олиш ва ижронинг кечикканлиги туфайли етказилган зарарни қоплашни талаб қилиш ёки шартномани бекор қилиш ва унинг бажарилмаганлиги сабабли етказилган зарарни қоплашни талаб қилиш ҳуқуқига эга.

 

Навбаҳор туманлараро иқтисодий суди раиси   Шерали Хамидов


Бугун халқ депутатлари Навбаҳор туман Кенгашининг навбатдаги 48-сессияси бўлиб ўтди

Yangiliklar / Mahalliy kengash

Сессия ишида туман секторлари раҳбарлари, туман Кенгаши депутатлари, туман ҳокими ўринбосарлари, тумандаги корхона ва ташкилот раҳбарлари, ҳамда оммавий ахборот воситалари ходимлари иштирок этдилар. 
Кун тартибида қуйидаги масалалар:
1. Фуқаролар мурожаатлари билан ишлаш соҳасида туман ҳокимлиги мутасадди раҳбарларининг масъулияти ва бу борада кўрилаётган чора-тадбирлар тўғрисида. 2. 2022 йилда "Обод қишлоқ” ҳамда бошқа мақсадли дастурлар доирасида амалга оширилган ишлар ва келгусида бажарилиши лозим бўлган устувор вазифалар муҳокамаси тўғрисида. 3. Маҳаллаларда тадбиркорликни ривожлантириш, аҳоли бандлигини таъминлаш ва камбағалликни қисқартириш бўйича амалга оширилган ишлар ва ҳоким ёрдамчилари фаолиятининг натижадорлик кўрсаткичлари тўғрисида. 4. Туманда аёллар муаммоларини тизимли равишда ҳал этиш, уларни ижтимоий қўллаб-қувватлаш борасида амалга оширилаётган ишларининг бажарилиши тўғрисида. 5. Ижтимоий химояга мухтож аҳолини қўллаб-қувватлаш мақсадида туман "Саховат ва кўмак” жамғармаси маблағлари ҳисобидан моддий ёрдам ажратиш тўғрисида. 6. Бошқа масалалар. Сессия якунида кўрилган масалалар юзасидан депутатлар муносабат бидиришиб тегишли қарорлар қабул қилинди.



BO'LIMLAR